اتصور أن أي
دولة تهتم بمستقبلها عليها ان تهتم بصناعة أجيالها...
الحين أريد أفهم مناهج الأطفال عندنا ف الروضات ومرحلة التمهيدي يعدها دكاترة .. تربويين... علماء نفس... بالله هذي مناهج... تثقل كاهل الطلاب الأطفال بالحفظ... الحين مطلوب من الطالب تمييز الحروف والارقام باللغتين العربية والانجليزية وحفظ السور القصيرة وحفظ الاحاديث والادعية بعد والاذكار.!!!
واللي اعرفه بالمنطق يعني انه في شي اسمه تخصص.. يعني معقول شخص واحد كاتب مناهج الاسلامية و الانجلش!!!
لا وكتاب الانجلش يبدأ بحرف L ... يعني اللي ما دش فترة الروضة راحت عليه.. بأمانة اول مرة اعرف انه الabcd يحتاج سنتين دراسة !!! مش فصلين دراسيين !!!
وبعدين بس لانه انحطت صور اطفال بالكمة صار المنهج عماني... ترى كله كوبي بيست من كتب ومناهج سابقة لدول عربية !!
تجارة على حساب عقول عيالنا المنهكة!!! تجارة ع حساب جيل ووطن!!! ادري انه هالمناهج مش متوفرة بكل المدارس الخاصة ..لكنها موجودة وتغطي شريحة تعبانة مرهقة اسمها الطبقة الوسطى!!!
الان من المسؤول وعلى اي اساس يتم تغيير المناهج.. بنات خريجات ثانوية عامة (مع بالغ التقدير لهن) الا انهن لسن تربويات!!! وش ذي الحالة؟؟
انا اشفق ع الاطفال فعلا!! ارحموهم وارحمونا!
ليست هناك تعليقات:
إرسال تعليق